Faida za Kuwa Mwanachama wa Umoja wa Shida na Raha
Jiunge na jamii inayothamini nidhamu, uwazi, mshikamano na maendeleo ya pamoja. Hapa, huna tena sababu ya kupitia changamoto au kufurahia mafanikio peke yako.
Kwa nini Uchague Umoja wa Shida na Raha?
Tunatoa zaidi ya mfumo wa kifedha — tunatoa jamii, ulinzi, nidhamu na maendeleo ya kweli.
Ulinzi wa Kifedha
Mwanachama hupata mfumo wa kusaidiana wakati wa changamoto za kifedha na dharura za kimaisha kupitia Mfuko wa Welfare (Pole na Pongezi). Hukabiliani na shida peke yako — usaidizi unakuja kwako kwa wakati.
Fao la Pole
Mfuko wa Welfare unatoa Pole kwa msiba wa mwanachama (TSh 300,000) au mtegemezi (TSh 150,000), na kwa kulazwa zaidi ya siku 3 (TSh 50,000). Malipo hufanyika ndani ya saa 48 baada ya uthibitisho.
Fao la Pongezi
Mfuko wa Welfare unatoa Pongezi kwa ndoa au harusi (TSh 100,000), kujifungua (TSh 50,000), na mahafali, Kipaimara, Komunio, Maulidi na sherehe nyingine (TSh 30,000).
Bima ya Maisha (Sharti)
Kila mwanachama huwa kwenye Bima ya Maisha kupitia mchango wa welfare. Bima inagusa mwanachama, mwenza, watoto hadi wanne na wazazi au wakwe hadi wanne. Umri wa kujiunga ni miaka 18 hadi 75.
Bima ya Afya (Hiari)
Mwanachama anayetaka Bima ya Afya ya kikundi hulipa premium yake mwenyewe kupitia njia itakayokubaliwa na Mtoa Bima, na huduma hufuata masharti ya sera (matibabu ya nje na ya kulazwa).
Elimu ya Biashara
Kupitia USHIRA Business Academy, wanachama hupata mafunzo ya ujasiriamali, mentorship na mafunzo ya matumizi ya zana za kidijitali. Tunakujenga kiakili na kiuchumi.
Mtandao wa Fursa (Networking Hub)
Umoja huunganisha wanachama wenye huduma na bidhaa na wanachama wenye uhitaji. Mtandao wako unapanuka na fursa mpya zinazidi kukujia.
Nidhamu ya Fedha
Kupitia mzunguko wa Sisi kwa Sisi, unajifunza saving culture, consistency na financial discipline. Mfumo unakufundisha jinsi ya kusimamia fedha zako kwa busara na kujenga mustakabali imara kiuchumi.
Mfumo wa Umoja na Uaminifu
Umoja wa Shida na Raha umejengwa juu ya misingi thabiti ya uwajibikaji, uwazi na ushirikiano. Kila mwanachama anafuatiliwa kwa mfumo wa kidigitali unaohakikisha usalama wa taarifa na kujenga jamii yenye kusaidiana kwa heshima na uaminifu. Taarifa binafsi zinalindwa kwa mujibu wa Sheria ya Ulinzi wa Taarifa Binafsi ya mwaka 2022.
Jinsi ya Kujiunga
Hatua tatu tu, na unakuwa sehemu ya familia yetu inayokua kwa nidhamu na mshikamano
Jaza Taarifa Zako
Kamilisha fomu ya usajili kwa taarifa zako sahihi na halisi kwa usalama na uthibitisho kamili wa KYC (jina kamili kama kwenye NIDA, namba ya NIDA, simu, anwani na Next of Kin).
Kuwa Mwanachama Hai
Lipa kiingilio cha TSh 50,000 (mara moja) na mchango wa welfare wa TSh 20,000 kwa mwezi, na kuridhia Katiba na Kanuni. Hapo unakuwa Mwanachama Hai wa Umoja.
Anza Kufurahia Faida
Baada ya kukamilisha kipindi cha kusubiri cha siku 30, unapata Pole, Pongezi na Bima. Unaweza pia kuchagua kundi la Sisi kwa Sisi kwa mzunguko wa kifedha.
Uko Tayari Kuwa Mwanachama?
Jiunge na jamii ya watu wenye malengo, wanaothamini nidhamu, uwajibikaji na mshikamano wa kweli. Pamoja tunaweza kufikia zaidi.