Mwanachama Hai wa Umoja wa Shida na Raha ni Nani?
Mwanachama Hai ni mwanachama aliyesajiliwa rasmi ndani ya Umoja wa Shida na Raha, amelipa kiingilio, amekamilisha uhakiki wa taarifa (KYC), ameridhia Katiba, amelipa mchango wa welfare wa kipindi husika, na hana deni la Mpango wa Sisi kwa Sisi lililopita muda wake (kifungu cha 2.3 cha Katiba).
Sifa za Mwanachama Hai
Mwanachama Hai ana misingi maalumu inayomtambulisha ndani ya Umoja wa Shida na Raha kwa mujibu wa Katiba
Usajili Rasmi
Amesajiliwa kwa mujibu wa Katiba na kupewa namba ya mwanachama pamoja na kitambulisho cha kidijitali.
Amelipa Kiingilio
Amelipa kiingilio cha TSh 50,000 mara moja. Kiingilio hakirudishwi kwa mujibu wa kifungu cha 4.2 cha Katiba.
Amekamilisha KYC
Amekamilisha uhakiki wa taarifa (KYC), ikiwemo jina kamili, namba ya NIDA, anwani, simu na Next of Kin (kifungu cha 2.4).
Ameridhia Katiba
Ameridhia Katiba na Kanuni kwa njia ya kidijitali au maandishi kupitia fomu ya usajili (kifungu cha 4.5).
Amelipa Welfare
Amelipa mchango wa welfare wa TSh 20,000 kwa mwezi ndani ya muda unaotakiwa (kifungu cha 4.3).
Hana Deni la Sisi kwa Sisi
Hana deni la Mpango wa Sisi kwa Sisi lililopita muda wake kwa mujibu wa Katiba (kifungu cha 2.3(vi)).
Sifa za Kujiunga
Kwa mujibu wa Katiba ya Umoja wa Shida na Raha, sifa zifuatazo ni lazima kwa kila mwanachama
Umri wa Miaka 18+
Awe na umri wa miaka kumi na nane (18) au zaidi, mwenye akili timamu, na raia au mkazi halali (kifungu cha 4.1(a)).
Kufuata Katiba
Awe tayari kuheshimu na kufuata Katiba na Kanuni za Umoja bila masharti (kifungu cha 4.1(b)).
Taarifa za Kweli (KYC)
Awe tayari kutoa taarifa za kweli za KYC ikiwemo jina kamili, NIDA, anwani, simu na Next of Kin (kifungu cha 4.1(c)).
Kiingilio na Welfare
Awe tayari kulipa kiingilio cha TSh 50,000 na mchango wa welfare wa TSh 20,000 kwa mwezi (kifungu cha 4.1(d)).
Mshiriki wa Sisi kwa Sisi
Kuanzia makundi mapya, mtu anayetaka kujiunga na kundi la Mpango lazima kwanza awe Mwanachama Hai (kifungu cha 10.2(a)).
Kutunza Heshima ya Umoja
Awe tayari kulinda heshima, mali na siri za Umoja pamoja na wanachama wenzake (kifungu cha 4.8(f)).
Mwanachama Hai Anapatikanaje?
Hatua 5 rahisi kuanzia usajili hadi kuwa Mwanachama Hai wa Umoja wa Shida na Raha
Jaza Fomu ya Usajili
Kamilisha fomu rasmi ya usajili kupitia tovuti au fomu ya maandishi (kifungu cha 4.4).
Lipa Kiingilio
Lipa kiingilio cha TSh 50,000 mara moja kupitia Lipa Namba au akaunti ya Umoja (kifungu cha 4.2).
Kamilisha KYC
Toa taarifa sahihi za utambulisho kwa uthibitisho: NIDA, simu, anwani na Next of Kin (kifungu cha 2.4).
Ridhia Katiba
Tia tiki na kubali Katiba na Kanuni kwa maandishi au kidijitali kwenye fomu ya usajili (kifungu cha 4.5).
Kuwa Mwanachama Hai
Lipa welfare ya kipindi husika na uwe huna deni la Sisi kwa Sisi. Hapo unakuwa Mwanachama Hai rasmi.
Mwanachama Hai Ana Haki Gani?
Kila Mwanachama Hai wa Umoja wa Shida na Raha ana haki zifuatazo kwa mujibu wa Katiba (kifungu cha 4.7)
Haki ya Kupiga Kura
Kuhudhuria, kutoa maoni na kupiga kura katika mikutano ya Umoja (kura moja kwa kila mwanachama hai).
Kuchagua na Kuchaguliwa
Kuchagua viongozi na kuchaguliwa kuwa kiongozi kwa mujibu wa Kanuni za Uchaguzi.
Kupata Pole, Pongezi na Bima
Kupata mafao ya kifedha ya Pole, Pongezi na Bima kwa masharti ya Katiba, akiwa Mwanachama Hai.
Kupata Taarifa Rasmi
Kupokea taarifa rasmi za Umoja, ikiwemo taarifa za kifedha za Mfuko wa Welfare.
Kusikilizwa
Kusikilizwa kabla ya kuchukuliwa hatua yoyote ya kinidhamu kwa mujibu wa Kanuni za Umoja.
Kulindwa Faragha
Kulindiwa faragha ya taarifa zake binafsi kwa mujibu wa Sheria ya Ulinzi wa Taarifa Binafsi ya mwaka 2022.
Mwanachama Hai Ana Wajibu Gani?
Kila Mwanachama Hai anapaswa kutekeleza majukumu yafuatayo kwa uaminifu na nidhamu (kifungu cha 4.8)
Majukumu ya Kila Mwanachama Hai
Kila Mwanachama Hai anatakiwa kutekeleza majukumu yake kwa uaminifu na nidhamu ili kuhakikisha Umoja unaendelea, unastawi na wanachama wote wanafaidi kwa usawa (kifungu cha 4.8 cha Katiba).
Nguzo 5 za Msingi za Umoja wa Shida na Raha
Misingi inayoiweka Umoja imara, wa kuaminika na wa kudumu kwa vizazi
Uwazi
Taarifa zote za kifedha na maamuzi ya uongozi lazima ziwe wazi na kupatikana kwa wanachama.
Nidhamu
Sheria na kanuni zote zitatekelezwa kwa ukamilifu bila upendeleo wa aina yoyote.
Uaminifu
Kutoa taarifa za kweli na kufuata miongozo ya michango kwa wakati ni msingi wa uanachama.
Haki
Kila mwanachama ana haki sawa ya kushiriki, kupiga kura na kusikilizwa mbele ya vyombo vya nidhamu.
Usawa
Hakuna ubaguzi wa kabila, dini, jinsia, elimu, kazi wala hali ya kiuchumi (kifungu cha 4.1).
Mfumo wa Kidigitali na Usalama
Umoja wa Shida na Raha unaendeshwa kwa mifumo ya kisasa ya kidigitali ili kuhakikisha uwazi, ufanisi na usalama wa taarifa za wanachama wake.
- Usajili na utunzaji wa kumbukumbu kwenye mifumo ya wingu
- Usimbaji wa taarifa (Encryption) na ulinzi wa data za wanachama
- Matumizi ya TEHAMA kwa ufuatiliaji wa michango na mwenendo
- Mikutano ya kidijitali na uwezo wa kushiriki kwa wanachama wote
- Ulinzi wa taarifa kwa mujibu wa Sheria ya Ulinzi wa Taarifa Binafsi ya 2022
Taarifa zako zinalindwa kwa usalama wa hali ya juu
Jiunge na Jamii ya Watu Wanaoinuana Kwa Uaminifu
Kuwa Mwanachama Hai ni kuwa sehemu ya mfumo wa mshikamano, maendeleo na kusaidiana. Tunakukaribisha kwa mikono miwili kwenye familia ya Umoja wa Shida na Raha.